CERITA (5)

HATI SELEMBUT SAGU

Oleh : Oesman Doank

LIMA

          Cuman, meski kesel, Komeng nyang ngerasa baru aje dikentutin sama Juleha, berusaha ngeredam emosi.

          " Kepale boleh panas. Tapi ati gue kudu tetep dingin," kate Komeng, nyang kembali narik nafas panjang, lantaran die kagak mau emosinye meledak meski mulai paham, kalau laporan laporan sebelonnya bukan sekedar isapan jempol atawa isepan jari manis.

          Tapi udeh bener bener isepan jet pump merk terkenal nyang sedotannye kenceng 

          Die pasti ada di markasnye

          Komeng nyang mulai yakin kalo bokinnye ada di markas rumpian,bertekad meluncur ke lokasi nyang beda dua gang dari rumahnye

           "Wuuuuuuu... gue kire langsung diblokir," kate Romli sembari beringsut dari kursi

    

TIGA

      JULEHA nggak mikir panjang. Nyang ada di pikiran Juleha, lakinya ada di kantor, sama sekali kagak mikir gimane kalo lakinya justeru tidak di kantor tapi sudah di rumah. Lantaran sebatas mikirin kepentingan pribadinye, Juleha cuma nyimpulin kalo dirinye udeh sukses dalam hal nyipoain suami. Dan, memang seperti itulah yang ditargetin oleh Juleha setiap hari.

      Makanye, kelar nge-off selulernye, Juleha bekoar.

      "Gimane friend.... hebat nggak tuh akting gue" 

      Meski usia ibu ibu yang lain jauh lebih tua dari Juleha, tak satu pun yang menganggap gaya Juleha ngelunjak lantaran begue gue. Karena serasa sudah akrab dan menyatu dalam grup, mereka malah langsung menanggapi sembari cekakakan.

     " Lu emang hebat, Ha. Pokoknye, dalem hal ini top markotop brontop, deh" kate Bu Edy nyang wajahnye lumayan jelek tapi cukup beruntung lantaran dapet laki ganteng dan berpenghasilan super lumayan.

     Bu Markonah nyang sebenernya kagak banyak omong karena termasuk anggota nyang kepaksa ikut grup supaye dianggap gaul dan inten bertetangga, tumben tumbenan mau nyerobot.

     " Kapan yee gue bisa ngikutin jejak lu. Soalnye, gue tuh pasti kesulitan kalo mau ngebohongin suami. Bukannya nggak pernah ngebohong. Soalnye, kalo sama tukang kredit gue pasti ngebohong. Tiap ditagih gue bisa bilang lagi nggak punye duit"

    " Makanye belajar sama si Leha," selak bu Sruntul yang memanfaatkan peluang buat ngangkat Juleha lantaran die punya misi paling indah, mau minjem doku sekarang tapi bayarnya kalau kebetulan inget.

Bersambung